Слушать Амина Ахмедьянова - Синен очен.mp3

Синең өчен ал гөлләрем
Чәчәк ата
Синең өчен сайрап туймый
Сандугач та
Исемең яңгырый бер моң булып
Тирә-якта 
Мин бәхетле бу дөньяда
Син бар чакта

Елга, тугайлар — синең өчен
Кырлар, тургайлар — синең өчен
Җир һәм йолдызлар — синең өчен
Сөюең калсын минем өчен

Синең өчен һәрчак аяз
Зәңгәр һава
Синең өчен сәйлән сыман
Карлар ява
Энҗе карлар бар хәятне
Бизи акка —
Табигатьне сафлык күмә
Синең хакка

Елга, тугайлар — синең өчен
Кырлар, тургайлар — синең өчен
Җир һәм йолдызлар — синең өчен
Сөюең калсын минем өчен

Таң кояшы нурлар сибә
Көлгән чакта
Күңелемдә җырлар туа
Синең хакта
Җырлар илтсен сиңа минем
Назларымны
Илтсен сиңа назлар язлар тулы
Язларымны

Елга, тугайлар — синең өчен
Кырлар, тургайлар — синең өчен
Җир һәм йолдызлар — синең өчен
Сөюең калсын минем өчен

Сөюең калсын минем өчен
Сөюең калсын минем өчен